Hagvangur og 50 Skills í samstarf

„Hagvangur, sem verið hefur leiðandi á sviði ráðninga á Íslandi til fjölda ára hefur fundið vel fyrir þeirri stafrænu vegferð sem hefur átt sér stað á undanförnum árum og þeim auknu kröfum sem gerðar hafa verið til allrar þjónustu. Með samstarfi við 50skills er Hagvangur að stíga nýtt skref inní framtíðina til að koma til móts við þessa þróun og gera alla þjónustu við viðskiptavini einfaldari og hraðvirkari. Við hjá Hagvangi teljum að samstarfið við 50skills geri okkur kleift að takast á við þær áskoranir sem framundan eru í stafrænu umhverfi og vera áfram leiðandi aðili á sviði ráðninga á Íslandi“ segir Geirlaug Jóhannsdóttir, einn eigenda Hagvangs.

 „Við erum afar stolt að leiðandi ráðningarstofa á borð við Hagvang hafi eftir ítarlegt matsferli ákveðið að velja 50skills fyrir birtingar og úrvinnslu gagna á umsóknum. Á síðustu árum höfum við einbeitt okkur að því að mæta þörfum þeirra sem koma að ráðningum. Sérstök áhersla hefur verið lögð á að einfalda hvernig birta megi störf, vinna úr umsóknum og virkja starfsfólk á vinnustaðnum. Markmiðið er að tæknilausnin spari tíma og auki skilvirkni, sem og að veita góða yfirsýn með gögnum, til að auðvelda stjórnendum og ráðgjöfum að taka upplýstar ákvarðanir.“ seigr Kristján F. Kristjánsson, framkvæmdastjóri 50skills.

Með samstarfinu mun Hagvangur geta stórbætt þjónustu til viðskiptavina. Atvinnuauglýsingar fá hámarksdreifingu og auðveldara verður fyrir Hagvang að para tugi þúsunda Íslendinga á atvinnuskrá Hagvangs við auglýstar stöður sem og stöður sem fara aldrei í birtingu hjá þeim sem nýta sér þjónustu Hagvangs.

til baka