Starfslokaráðgjöf fyrir félagsmenn SSF

Hagvangur og Samtök starfsmanna fjármálafyrirtækja hafa gert með sér samkomulag að Hagvangur veiti þeim félagsmönnum sem sagt var upp störfum á dögunum hjá Arion banka starfslokaráðgjöf þeim að kostnaðarlausu. Það sem felst í starfslokaráðgjöfinni er aðstoð og ráðgjöf við atvinnuleit, auðkenning styrkleika, farið er yfir starfsáhugasvið viðkomandi, horfur á vinnumarkaði og atvinnumöguleika. Jafnframt er farið yfir ýmis hagnýt atriði sem nýtast í atvinnuleitinni, svo sem gerð ferilskráar, undirbúningur fyrir atvinnuleitina, atvinnuviðtöl og fleira. 

Við hvetjum félagsmenn SSF sem misstu störf sín á dögunum til að nýta sér þjónustu okkar sem stendur þeim nú til boða. Hagvangur leggur metnað í að veita persónulega og góða þjónustu og farið er með allar upplýsingar sem trúnaðarmál.

Öllum félagsmönnum SSF sem misst hafa vinnuna á síðustu vikum stendur þjónustan til boða, þeim að kostnaðarlausu.

  

Hér má sjá frétt SSF 

til baka