Jón Karl Ólafsson nýr framkvæmdastjóri hjá Isavia

Jón Karl Ólafsson nýr framkvæmdastjóri hjá Isavia

Jón Karl Ólafsson hefur verið ráðinn framkvæmdastjóri innanlandsflugvallasviðs hjá Isavia. Starfið felst í því að hafa yfirumsjón með rekstri og þróun innanlandsflugvalla á Íslandi, en þar af eru tólf áætlunarflugvellir og á fjórða tug annarra flugvalla og lendingarstaða.

Jón Karl hefur reynslu af sviði viðskipta, sölu- og markaðsmála auk þess sem hann hefur gegnt starfi forstjóra bæði hjá Icelandair og Primera Air. Hann var einnig ráðinn framkvæmdastjóri hjá CP Reykjavík í febrúar síðastliðinn.

„Innanlandsflugvellir eru gríðarlega mikilvægir innviðir fyrir ferðaþjónustuna og nauðsynlegt almannasamgöngukerfi sem tengir landið saman,"" segir Jón Karl. „Ég þekki það af mínum fyrri störfum bæði í flugi og ferðaþjónustu að í innanlandsflugvallakerfinu liggja mikil tækifæri sem við getum nýtt enn betur. Það er því sannarlega spennandi og ögrandi starf framundan,"" bætir hann við.

Hann tekur við starfinu 1. október næstkomandi.

til baka