Verkefnastjóri - Sólar

Sólar er eitt stærsta þjónustufyrirtæki landsins. Við erum sérhæfð í ræstingum og tengdri þjónustu fyrir hótel, fyrirtæki og stofnanir. Hjá okkur starfa rúmlega 330 frábærir starfsmenn og við leggjum áherslu á að vera góður vinnustaður þar sem starfsfólk á þess kost að vaxa í starfi. Sólar er aðili að Stjórnvísi félagi um framsækna stjórnun, Festu miðstöð um samfélagsábyrgð og UN Global Compact. Þá höfum við síðustu ár verið á meðal framúrskarandi fyrirtækja Creditinfo.

 

Sólar ehf. óskar eftir að ráða öflugan liðsmann til starfa hjá félaginu, viðkomandi mun vinna að verkefnum þvert á deildir. Óskum eftir jákvæðum og skipulögðum liðsmanni til að sinna ýmsum spennandi  verkefnum s.s. verkefnastjórnun vegna hugbúnaðarþróunar, vinnu við stærri útboð, ýmis aðstoð við söludeild ásamt verkefnum tengdum gæðakerfi félagsins.

Sólar hefur verið í örum vexti undanfarin ár og ætlar að halda áfram að vaxa. Leitað er að starfsmanni sem er tilbúinn að takast á við þær áskoranir sem fylgja vexti fyrirtækisins og er reiðubúinn að axla aukna ábyrgð.

 

Starfssvið / verkefni:

  • Verkefnastjórnun
  • Aðstoð við hugbúnaðarþróun
  • Vinna vegna útboða
  • Aðstoð við útreikning stærri verkefna
  • Framlegðareftirlit
  • Vinna vegna gæðakerfis

 

Hæfniskröfur:

  • Reynsla tengd hugbúnaðarþróun (æskileg)
  • Tölvufærni / Excel þekking
  • Sjálfstæð vinnubrögð
  • Reynsla af verkefnastjórnun (kostur)
  • Færni í mannlegum samskiptum
  • Háskólamenntun sem nýtist í starfi

 

Viðkomandi þarf að hafa gilt bílpróf og hvetjum við konur jafnt sem karla til að sækja um starfið.

 

Upplýsingar veitir Rannveig J. Haraldsdóttir, rannveig@hagvangur.is

 

Umsóknarfrestur til: 16. desember 2018
Sækja um